Breaking Free (7) Written by V. Mitzie

(Katapusang Gula)

Kalit nga miandar ang pagka-maldita ni Sam. Gipasagdan na lang niya si Rafael sa gibuhat niini. Gipaduol niya ang iyang lawas sa lalaki.

"Wow!" Nalipay kini kay wala siya nasuko sa paghikap niini sa iyang dughan.

"Ganahan ka, diba?" Mipahiyom siya.

Gipiyong niya ang iyang mga mata sa dihang midapat ang mga ngabil ni Rafael sa iyang mga ngabil. Mihalok kini'g maayo kaniya.

"Ka-swerte nako." Mipaubos pa ang mga halok niini sa iyang liog.

Milit-ad siya pagkabantay niya sa usa ka kamot niini sa ilawom sa iyang gisul-ob nga short.

"Pagtagbaw og maayo, Rafael." Giantos niya ang kaluod sa iyang gibati sa ulitawo.

"Oh!" Gipaningot na kini.

Kahibawo siya nga nadala na og maayo si Rafael sa pag-romansa niini kaniya. Gihubo niya ang iyang blouse.

"Mao ni ang imong gusto, diba?" Gipaak niya ang ngabil niini.

"Oh my God!" Gihubo ni Rafael ang iyang bra.

Gihuboan usab niya ang lalaki. Ready na siya nga angkunon niini.

"Good bye, Rafael!" Gipatiran niya kini.

Nagdali-dali siya nga migawas sa kwarto. Gikuha niya ang cellphone ug bag sa sofa. Sa luyo nga bahin sa balay siya miagi. Nagpasalamat siya kay wala kamatngon ang ilang guard sa iyang paggawas.

"Hay, salamat!" Nakaginhawa siya'g tarong pagsakay na niya sa taxi.

Gitawagan niya si George. Magpasugat siya sa hinigugma.

"George, mokuyog nako nimo bisan asa ko nimo dad-on." Kahilakon siya.

"Sweetheart, nabalaka nako'g maayo nimo. Magpaabot ko nimo diri sa condo." Nabatian niya ang tingog sa lalaki sa pikas linya.

"Sa eskina sa Reskita Resto na lang ta mag-abot. Dili ko pwede moanhan kay basin masundan ko nila ni dad."

"O, sige. I love you." Giputol na dayon niini ang tawag.

Naggakos sila'g hugot ni George pagsakay na nila og bus. Wala sila kahibawo kung asa sila padung, pero dako ang iyang pagsalig nga magmalipayon siya sa kiliran ni George.

"Unsay nahitabo ani?" Gihikap niini ang nanglakra nga mga lagom sa iyang paa.

"Wala ra ni." Misandig siya sa abaga niini.

"Ako ra gyud ang pwede maka...kuan nimo, ha." Mikidhat kini kaniya.

"Unsay maka-kuan?" Mikatawa siya. Gikusnit niya kini'g hinay.

"Kahibawo ko dili gyod ka makabalibad nako." Gihagkan siya niini.

Mibahakhak na lang siya'g katawa ug gigakos si George.

Read the latest chapter of Cebuano literotica on Sweet Sensation Rock Bottom Style at Y101 FM, Always First.