Found in Bliss (3) Written by V. Mitzie

Miatras si Cara para ma-balance niya ang iyang kaugalingon kang Paulo. Nakalitan siya sa kalit nga pag-kiss niini kaniya pero nagustuhan niya ang gibuhat sa ulitawo.

"Dili ta diri!" Gibitad niya si Paulo. Gidala niya kini sa iyang kwarto.

Sa sulod sa iyang lawak, gitagamtam niya ang tanang gibuhat ni Paulo kaniya. Wala siya magdahom nga mas maayo kini kang Jeff.

"Oh, lala!" Mingisi siya nga mitutok sa hubo nga lawas sa ulitawo.

"Macho ba?" Mikidhat kini kaniya.

"Macho!" Siya na ang una nga mihalok sa lalaki.

Nangaligid sila sa kama. Nalingaw siya sa gihimo ni Paulo pero mas mipatigbabaw ang iyang gana.

"I can't wait..." Mihangos na kini.

"Pagdali na." Naduot niya ang iyang lawas niini.

"Maayo man diay ka." Mikatawa kini.

"Asa nga angle ko maayo. Kini?" Mipaubos pa ang iyang usa ka kamot.

"Oh!" Gitutokan siya ni Paulo.

"Or kani?" Mitakilid siya ug mipaibabaw og balik ang iyang mga ngabil.

"Ohhh..." Gigakos siya'g maayo sa ulitawo.

Nanggawas ra sila sa kwarto pagkabantay nila nga gigutom na sila. Nag-polo ra siya nga misulod sa kusina.

"Sexy!" Gigakos siya ni Paulo.

"Mangaon usa ta." Nagsukad siya para nilang duha.

"Thank you." Gihagkan niini ang iyang usa ka palad.

"Thank you sad, Paulo." Mipahiyom siya.

Nakuyawan si Cara sa dihang gilabay ni Jeff ang vase sa may pultahan. Nagakos niya ang iyang bag. Karon lang niya nakita ang grabe nga kasuko sa nawong sa hinigugma.

"Naa bay lain, ha?" Gisigahan siya sa mga mata ni Jeff.

"Jeff, wala nako mahigugma nimo. Nawala na siya. I'm sorry." Miduko siya.

"Sa kasayon, sorry ra?"

"Dili nako happy nimo." Mihilak siya. Naluoy siya nga nagtan-aw sa lalaki.

"Get out!" Gisinghagan siya niini.

"Jeff..." Gigunitan niya ang usa ka bukton ni Jeff.

"Get out!" Gitukmod siya sa ulitawo.

Gipili ni Cara nga mosul-ob og jeans ug simple nga white blouse. Lip balm ra ang iyang gipahid sa iyang ngabil. Migawas siya sa kwarto.

"Wow! Mas ganahan ko kung mao na ang pirme nimo nga isul-ob." Gihagkan siya ni Paulo. (Sumpayan pa)

Read the latest chapter of Cebuano literotica on Sweet Sensation Rock Bottom Style at Y101 FM, Always First.